همــــــوم الغـــــــــربه

مـوقوف

همـوم الغــربة

كترت علينا الهموم وفي الغربة ما يجينا نوم
واللي عليه يوميا ننام عليه نصحى ونقـوم
واللي مش لاقي شغل ياهووه بتزيد عليه الهموم
واللي ملهي في شـغله يا ناس دائما يكون مذمـوم
واللي له مصلحة عندك تصبح عنده إنسان مكروم
وإذا لم تقدر تقضي حاجته فجأة تتحول مذموم
نرجع تاني لهموم أخرى وما أكثرها من الهموم
بعد نهاية عمل اليوم جسمك طبعا محتاج نوم
آه فيه حاجة انت ناسيها الجوعان ما يجي له نوم
قول لي مين جهز لك أكلك ولا مين بك مهموم
بسرعة جهز أي أكل واحتمال يكون مسموم
لو أكلت وربنا سـتر يلا بسرعة روح للنـوم
آآه قبل ما توضع جنبك الآن لازم تقوم
انت ناسي ولا إيه ان وراك غسيل هدوم
أول ما تبدأ في غسيلك تتذكر مشكلة من كام يوم
فيه تليفون جالك من بيتك روح كلمهم يلا قوم
المشكلة بدأت تاني وخلاصها أصبح محتـوم
اتصلت وحرقت دمك والمفروض تسافر اليوم
مفيش حد يسد مكانك ويجلي عنك الغيوم
الكل عليك بيتفرج ومشاكلك عاوزينها تدوم
ولو خلصت كل حاجة تكون على جسمك مش ملموم
عاوزين نتعشى ونكوي هدومنا احترنا في موال كل يوم
يلا على السرير ارمي نفسك وإياك تستغرق في النوم
انت ناسي الصبح دوام !! مين يصحيك ويقول لك قوم
كل ده جانا من الغربة والهم الواحد ذاد همـوم
احنا غلطنا اللي أتغربنا وغير نفسنا أبدا ما نلوم
لازم نرضى بأمر الله فلكل واحد رزق مقسوم
السعادة مش جمع مال فقد يزيدك هموم
السعادة في طاعة الله والرضا بالقدر المحتوم
ليه نبعد عن أحبابنا وابننا يكون محروم
مين يعرف قدرنا غيرهم ويجلي عنا الغيوم
ربنا يرزقنا في بلادنا وهـو دعـاؤنا كل يوم
علينا نأخذ بالأسباب ورزقنا على الحي القيوم